Ginsiling ni Bacolod City Mayor Greg Gasataya nga iya na ginmanduan ang City Legal Office kag ang City Administrator’s Office nga balikan ang apat ka mga vendors nga nagapamalibad nga maghalin sa South Capitol Road.
Tuyo sang siudad nga mapahalin sila sa amo nga lugar kag masaylo sa iban nga lugar nga ginatugutan sang siudad nga mabaligyaan.
Suno sa alkalde, may vending ordinance nga ginasunod sang siudad kag wala madala sa walo ka mga area sa Bacolod nga pwede mabaligyaan ang South Capitol Road.
Dugang niya, makapila naman ka beses nga ginpahalin sila sa lugar, apang wala sa gihapon ini naghalim bangud dira naman sila nagatinulog.
Nagpahanumdom man si Gasataya sa City Legal Office Enforcement Team nga mas mangin pasensyoso sa pagpatuman sang mga laye sa dalan.
[sibwp_form id=1]