Mga vendors hugot nga dumilian sa atubang sang Bacolod City Government Center.
Dungan sa pagpatuman sang hugot nga seguridad sa Bacolod City Government Center, pagadumilian man sang katapo sang Public Order and Safety Office ang pagbaligya sa atubang sang BCGC.
Suno kay POSO head, retired Police General Primitivo Tabujara, kabahin ini sang pagpasiguro nga indi ini magserbe nga tambayan sang mga pamatan-on ang stalls sang mga vendors.
Nagligad lang gab-i sang napunggan ang posible pagluntad sang gamo sa tunga sang grupo sang mga pamatan-on sang ma-recover ang isa ka kutsilyo.
Magluwas sa dugang nga POSO personnel nagtalana man duha ka mga security outpost agud mas mahugtan ang monitoring kag pagbantay sa palibot sang BCGC.
Ang katapo sang Police Station 4 ang magabulig man sa pagpatuman sang Oplan Bakal kag curfew for minors.