Sumugod marso uno mahimu nga iga-require na sa mga indoor nga pribado kag pampubliko nga lugar sa bacolod ang vaccination card sa idalom sang alert level 1.
Suno kay Dr. Edwin Miraflor, OIC sang City Health Office, nakasaad sa Inter-Agency Task Force resolution nga tanan nga 18 years old pasaka ang ginakinahanglan na mag-present sang vax card para sa indoor activities kag bisan sa mass gatherings ukon mga events.
May pahanugot naman ang IATF sa mga commercial establishment nga maka-operate sa full capacity, nalakip na diri sa mga ahensya sang gobyerno.
Pwede naman makabyahe ang katapo sang transport sector kasubong sang mga bus kag jeep sa full capacity.
Magapabilin nga optional ang Covid-19 testing para sa mga close contact sang covid positive kag patient.
Indi naman iga-require ang spass sa mga lugar nga napaidalom sa alert level 1 sandig sa IATF resolution.
Pero suno kay Miraflor mahimu magapabilin sa status quo ang travel restrictions sa tunga sang siudad kag mga lugar sa Western Visayas nga may mataas nga alert level.
Ang Aklan kag Guimaras ang nalakip sa mga lugar nga napaidalom sa alert level 1.
Alert level 2 naman ang probinsya sang Antique, Iloilo province kag Iloilo City kag ang Negros Occidental.