Puno na ang Valladolid District Hospital kag 80 por siento naman nga okupado ang ospital sa Cadiz, rason nga maka alarma ang sitwasyon karon.
Ini suno kay Provincial Administrator, Rayfrando Diaz nga nagsiling nga okupado ang 35 ka designated Covid-19 hospital beds sa Valladolid District Hospital.
Kun may maka gwa na amo naman ang pagpasulod sang bag-o nga pasyente. May 50 ka hospital beds and amo nga ospital. Sa 80 ka designated Covid-19 hospital beds naman sa Cadiz, 64 ang okupado ukon 80 percent.
Makasarang pa mag accommodate sang dugang nga 20 beds ang 5th floor sang ospital kag gina lauman nga sa mas madali nga panahon mahuman kag magamit na ang annex nga sarang maka accommodate sang 70 hospital beds.
Nagdugang naman order ang probinsya sang supply sang oxygen sa supplier sini, bangud naga kaubos na ang supply sa kada adlaw nga kinahanglanon.
Paathag ni Diaz, makabalaka ang sitwasyon bangud naga kasayuran nga ang mga Covid cases subong moderate to severe amo kun ngaa puno ang mga ospital. Sadto ang puno ang mga healing centers lamang.
Pero, may pagsaka man sa occupancy rate sa mga healing centers karon. Nagapati si Diaz nga may surge ukon pag timbook na sa kaso mahimo tuga na sang Delta variant labi na nga ulihi naman naga abot ang resulta gikan sa Philippine Genome Center.
Sa sulod sang duha ka semana gikan sa sulusobra 600 ka active cases karon masobra na ini sa 1,1000. Pero ang provincial health office suno kay Diaz ang naga pat-od pa antes maka deklara sang surge ukon pagtimbook sa kaso sang Covid-19.