Makaligad sang mga pagsinapol, ginsuguran na sang siudad sang Bacolod ang pag validate sang mga dokumento sang mga jeepney drivers kag operators sang traditional jeepney nga hatagan sang permit para makapadayon sa pagbyahe sa siudad.
Ang city administrators office amo ang naga validate sa mga katapo sang transport sector nga sarang issuehan sang interim service permit sang Land Transportation Franchising and Regulatory Board samtang ginahulat ang pagbyahe sang 1099 modernized jeep sa May 2023.
Indi pa man mapat ud ni Mayor Albee Benitez kun kutob san-o ang extended moratorium sa dakpanay sang mga traditional jeepney nga nag expire na ang prangkisa kag mga provisional athority.
Sa meeting sang alkalde upod sa LTFRB kag Land Transportation office nakasugtan nga dapat ipa rehistro sang mga traditional jeepney driver/operators ang ila mga salakyan bilang private vehicle para sa interim service permit.
Ang siudad ang maga designate sa ila sa mga rota nga ginakulang pa ang modernized jeep.
Ginsiling naman ni Jun Asis, secretary General sang SSTONE, nga sa separado nila nga pagsinapol upod sa alkalde ginduso ang status quo kag ang pag issue sang LTFRB sang extension sa ila nag expire nga provisional authority para maka byahe.
Sa Huwebes liwat nga magasapol ang alkalde upod sa LTFRB kag LTO para mabalay ang pagtukod sang win win solution sa problema sang transport sector.