Vaccination center sa mall temporaryo ang nag-untat operate bangud sang kakulang sang vaccinators.
Nag-expire na ang contract of service sang kalabanan nga mga Covid-19 vaccinators nga naga-serbe sa vaccination center sang siudad. Rason nga temporaryo man anay nga gin-pauntat ang pagpangbakuna sa 3rd floor sang SM City Bacolod. Ini samtang wala pa sang staff suno man kay Dr. Ana Maria Laarni Pornan, pamuno sang Emergency Operation Center kag DRRM Officer sang siudad.
Bangud wala naman sang vaccination center sa mga mall, temporaryo anay nga magaserbe nga vaccination area para sa mga magapabakuna sang Covid-19 vaccine ang Room 1 sa sulod sang City Health Office compound.
Magluwas sa kakulang sa vaccinators, ginalauman ni Pornan nga ma-retain kuntani ang mga job order workers nga nagaserbi bilang emergency responders kag staff sang DRMMO.
Nagalab-ot sadto sa 130 ang kabilugan nga personnel nga naga-trabaho sa DRRMO apang karon may 29 na lamang ang yara sa ila master list, anum diri mga regular employees.