Shadow

Vaccination para sa A4 kag A5 category ginsuguran na

Vaccination program sang Bacolod ginapaabot nga mas mapadasig sa pag abot sang ginbakal nga supply sang Covid-19 vaccine sa Hulyo 16.

Ang siudad ang pwede naman makasugod bakuna para sa A4 kag A5 category.

Sarang na makasugod sa pagpabakuna ang Bacolod Emergency Operation Center sang mga yara sa A4 kag A5 category nalakip diri mga negosyante, iban pa nga frontliners kag mga indigent population ukon ang mga kubos.

Pero suno kay EOC executive director Em Ang, mas pagahatagan gihapon nila sang prayoridad ang mga yara sa A1 tubtob A3 category, kabahin diri mga medical frontliners, mga seniors citizens kag mga may co-morbidities.

Ini bangud bangud ang vaccination program ang naga depende man sa supply sang Covid 19 vaccine gikan sa national government.

As of July 9, may 78, 361 na ka bakuna ang na-administer sang siudad. 14, 177 na ang nakabaton sang second dose.

Sa hulyo dise sais ginapaabot sang siudad nga mabaton ang 18,200 doses sang AstraZeneca vaccines nga gin-advance purchase.

Kabahin ini sang 650,000 doses nga ila ginbakal sa AstraZeneca Pharmaceuticals Incorporated.

Sa madasun nga binulan natalana maga-abot ang dugang nga batch sang ginbakal nga supply sang bakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange