Amat amat na nga ginpangsaylo sang Bacolod City Emergency Operations Center ang mga vaccinators nga gikan sa mga vaccination areas sa mga commercial establishment pakadto sa mga kabarangayan.
Suno kay Em Ang,executive director sang EOC, kutob na lang Marso 31 ang mga gintalana nga vaccination areas sa mga mall, fast food chain, eskwelahan kag terminal sa Bacolod.
Ini bangud madiutay na gid man ang nagakadto para magpabakuna.
May 128 percent na nga vaccinated ang target population sang Bacolod.
Sa Abril uno, magatalana sang dugang nga mobile vaccination team ang EOC nga amo ang magakadto sa mga kabarangayan para mas mapabaskog pa ang vaccination program.
Pero magapabilin naman ang mega vaccination centers sa SM City Bacolod kag Ayala Malls Capitol Central.