Shadow

Utod ni anay mayor Quito Montilla nag file COC sa pagka board member, kuchinta vendor nag file man COC sa pagka BM

Sa Fifth District, board member Rita Gatuslao ang nag file sang iya nga COC sini nga hapon para sa iya nga re-election.

Siya ang katapo sang United Negros Alliance ukon UnegA.

Sang Hwebes sang aga, utod ni anay Mayor Enrique Montilla sang Isabela ang nag file sang iya nga certificate of candidacy sa pag ka board member sa ika lima nga distrito. Ang tiglawas ni Patrick Miguel Montilla amo ang nagfile sang iya nga COC bilang independent candidate. Suno sa iya nga tiglawas sadto anay nag serbe man si Patrick Miguel Montilla bilang konsehal sang banwa.

Miyerkules, nag file sang iya nga COC si Mayor Alfredo Maranon, III, para sa pag ka kongresista sa second district. Magatapos na sang iya nga termino bilang alkalde sang Sagay City si Maranon.

Samtang, isa ka naga negosyo sang kuchinta ang nag file man sang iya nga COC sa pag ka board member sa third district Hwebes sang aga. Suno sa 55 anyos nga si Junee Occida sang Barangay 1, Silay maka pila na siya ka beses nga nag papili sa ila nga barangay kag sa Silay mismo pero napaslawan siya.

Luyag niya naman nga tilawan ang pag ka board member. Gusto niya nga tutukan ang kinahangalanon sang mga pumuluyo sa tion sang emerhensya. Temprano pa siya kaina suno sa iya sa public plaza sang Bacolod para maghulat nga magbukas ang Comelec-Negros Occidental.

Leave a Reply

Your email address will not be published. Required fields are marked *

Secured By miniOrangeSecured By miniOrange