May mga area pa nga sakop sang Central Negros Electric Cooperative ukon CENECO nga tubtob karon wala pa mabalik ang supply sang kuryente makaligad sang halit nga natuga sang Bagyo Odette.
Suno kay Malou Parroco, pamuno sang Member-Consumers Integrated Services Division, 100 percent na nga na restore ang power ilabi na diri sa Bacolod pero may mga lugar pa nga wala masugaan samtang nagapadayon ang clearing kag assessment sang ila alignment team para mabalik ang supply sang kuryente.
Nagapasalig ang CENECO nga matinguhaan nga ma fully restore ang supply sang kuryente antes sa mag-New Year.
Pero ginklaro sang tagdumalahan sang CENECO nga wala sila nagapanukot para matigayon ang pagbalik sang kuryente sa mga pamalay.
Ini matapos man nga makabaton sang man sang reklamu halin sa kunsomidor angut sa nagapakuno kuno nga linemen sang electric cooperative nga nagapanukot para masugaan ang mga kunsomidor.
Kasubong man sini ang man paandam sang Negros Occidental Electric Cooperative ukon NOCECO. Pangabay nila sa publiko nga usisaon ang mga nagapakilala nga linemen kun may ID, naka uniform kag may mga equipment.