May 8.6 million pesos ang kabilugan nga arrears sang mga stall owners sang Manokan Country.
Sa tinuig na nga gina sukot sila sang balayran sa pag arkila sang pwesto sa Manokan, malapit pa lang isa ka milyon ka pesos ang nakolekta sang Benitez administration.
Suno kay City Administrayor Atty. Boyet Maghari indi na kinahanglan pa nga i-condone pati ang mga penalties sa arrears sang mga stall owners bangud makaduha naman sila ka beses nga na condone ang ila balayran.
Ginpahayag naman ni Mayor Albee Benitez nga sa karon iya gina consider ang public private partnership agud ma develop ang Manokan Country nga isa na sa mga atraksyon sa Bacolod.
Samtang wala pa sang napa gwa ang condonation ordinance magapanukot man ang alkalde para sa arrears sang mga taga Manokan.
Sa bahin naman sang arrears sang Burgos,Libertad kag Central Market padayon nga gina review sang siudad ang posible pagpatuman sang restructuring program agud mabayaran nila ang ila arrears.