Ginatutukan karon sang Negros Occidental upod sa development partners sini ang Covid booster shots.
Sa December 12 nga datus sang Department of Health Region 6, 78.71 percent sa target population sang Negros Occidental ang fully vaccinated.
Suno kay Dr Ernell Tumimbang, nag-idog naman gid ang Covid vaccination program pero mahinay ang booster shots rason nga may mga development partners kasubong sang Relief International kaupod ang Unicef kag USAID ReachHealth nga naga bulig para mag generate demand.
Pila sa mga lugar nga ginabuligan amo ang Sipalay City, Cauayan, San Carlos City, Calatrava kag Toboso suno kay Tumimbang. Pila sa mga naga apekto sa kampanya sa booster shots amo ang na eksperiensyahan nga side effects sa primary shots.
Samtang, suno kay Tumimbang, ang mga may pag pangduha-duha para sa pag pabakuna amo ang gina tinguhaan nga makumbinsi sang sa mga yadtong, naka lab-ot na sang pat-od nga desisyon nga indi na sila mag pa bakuna.