Ang Embahada sang Estados Unidos sa Pilipinas ang nag pa gwa sang Security Alert para sa mga citizens sini angut sa intensified operations sang Armed Forces of the Philippines batuk sa New People’s Army.
Sini lamang nalakip ang mga American citizen nga kanday Lyle Prijoles kag Kai Sorem sa napatay sa gin patuman nga military action batuk sa NPA sadtong Abril 19 sa Toboso, Negros Occidental.
Suno sa embahada ila gina abisuhan ang mga Amerikano nga yara sa Pilipinas kag bisan pa sa bilog nga kalibutan nga magsunod sa local laws kag likawan ang mga sitwasyon nga may mataas nga security risk.
Suno sa embahada ang NPA isa ka designated foreign terrorist organization sang Estados Unidos kag sang Pilipinas.
Nalakip sa gina kabig areas of heightened concern sa pungsod suno sa embahada ang Leyte, Mindoro, Negros kag Samar kun sa diin sini lamang may mga clash sa tunga sang NPA kag sang tropa militar.
Ang mga US citizens ila gina abisuhan nga indi mag affiliate ukon mag pakig angut sa terrorist ukon insurgent groups.
Kun maka sugata man sang mga armado nga indi katapo sang pulis ukon militar, sila ang gina abisuhan nga mag biya sa lugar.
May mga non governmental organization suno sa embahada nga may affiliations sa NPA. Gani ang mga US Citizen nga luyag mag patuman sang humanitarian activities ang mag pakig angut sa mga grupo nga registered sa Philippines National Volunteer Service Coordinating Agency.
[sibwp_form id=1]