Nagdangat sa 5.2 million pesos ang balor sang damage sa sunog nga nagluntad sa gina construct nga building sa The Upper East sang Megaworld. Upos sang sigarilyo ang gina lantaw nga ginhalinan sang kalayo.
Upos sang sigarilyo ang gina lantaw nga kabangdanan kun ngaa nasunog ang bahin sang 3rd kag 4th floor sang building nga gina construct sa The Upper East sang Megaworld sa Bacolod.
Suno sa kay Bacolod City Fire Marshall Fire Chief Insp. Stephen Jardeleza, kun basehan ang lugar sang ginsuguran sang sunog, may mga bagay nga madasig masunog. Posible may gin haboy didto nga upos sang sigarilyo nga wala mapatay nga amo ang gin suguran sang kalayo. Magakuha pa sila sang dugang nga statement gikan sa mga construction workers sa lugar. Wala pa sang power supply sa amo nga bahin sang building suno kay Jardeleza.
Sa pag estimate sang BFP yara sa 5.2 million pesos ang damage sa building.
Sa official statement gikan sa MRK Construction, ang contractor sang Megaworld ila ginsiling nga 11:42 am nagsugod ang kalayo sa portion sang 3rd kag 4th floor sang building. 12:34 pm gindeklarar sang BFP nga fire out na.
Ang amo nga building ang yara pa sa idalom sa paghinakop sang MRK Construction kag wala pa ma turnover sa developer nga amo ang Megaworld.
Wala naman sang may gin-report nga nasamaran sa sunog.
Nagligad nga tuig nasunog man ang bunkhouse sang mga construction workers sa the upper east.