Indi mag-upod ang Federation of Bacolod Drivers Association ukon FEBACDA kag Sentrong Samahan ng mga Tsuper at Operators sa Negros ukon SSTONE sa 5-day strike nga ginaduso sang United Negros Drivers and Operators Center.
Para kay Elizabeth Katalbas, presidente sang FEBACDA, magutman ang pamilya sang mga jeepney driver kun maglawig sa lima ka adlaw nga indi sila ka byahe.
Sa meeting upod sa UNDOC kag Sstone,ginhinyo niya nga kuntani isa tubtob duha lang ka adlaw ang patigayunon nga untat byahe sa panawagan nga mapunggan ang pagsaka sang presyo sang produkto petrolyo.
Updan sang FEBACDA kag SSTONE ang paghinyo sa national government nga kakson ang 12 percent value added tax kag excise tax sa produkto petrolyo pati na ang panawagan para sa dugang nga saka sa plete kag subsidy.
Pero indi sila mag upod sa pagpamatuk sa ginapatuman nga modernization program sang national government.
Bwas isa ka forum ang natalana sa tunga sang transport sector,mga negosyante kag consumer group agud nga malab-ot ang consencus angut sa ginadihon nga pag-untat byahe antes matapos ang bulan sang Marso.