Gin-release na ang sample design sang food cart sang grupo sang Bacolod Public Vendors Association nga ginaduso mangin uniform food cart sang mga manugbaligya sa palibot sang plaza.
Ugaling bisan si Councilor Celia Flor, pamuno sang Committee on Markets and Slaughterhouse naga kwestyon sang balor sang food cart nga nagalab-ot sa P27,000.
Tuyo sang siudad nga i-produce ang mga food cart nga sarang ipa-utang sa mga sidewalk vendors.
Ginsiling ni Flor nga ang pagtalana sang uniform food cart para sa mga recognized vendors ang pamaagi agud mas mapatahum ang laragway sang siudad ilabi na sa tion nga masuguran na ang pag rehabilitate sang plaza sang siudad.