Une-Love.
Ini ang tawag ni Vice Governor Jeffery Ferrer sa coalition sang United Negros Alliance kag Love Negros nga suno sa iya naga pakita sang mabakod nga pag-updanay sang grupo.
Martes, maga sapol ang coalition sa pag finalize sang line-up para sa Philippine Councilors League – Negros Occidental kun sa diin damlag pa gin kasugtan na nga si La Carlota City Councilor, Julius Martin Asistio ang maga papili bilang Presidente.
Si Silay City Councilor Ryan Gamboa ang maga papili bilang Vice President. Si Gamboa nga sa karon naga pungko presidente nagsiling na nga siya ang maga upod sa desisyon sang partido.
Suno kay Ferrer ang desisyon sang coalition isa na kag wala na sang gina siling pa nga matabo nga “intramurals”.
Ang paghugpunganay sang grupo naga pakita sang kabakod sini humalin pa sang 2019. Samtang, may duha ka bag-uhan nga alkalde sa probinsya nga indi pa katapo sang grupo sa karon.
Abiso ni Ferrer sa ila maga padayon lang anay sa ila nga pagserbisyo. Ang recruitment para sa local parties nagakatabo masami sa tiempo sang eleksyon.