Shadow

UNDOC ma untat biyahe kun ipatuman sa Bacolod ang pagdumili sa mga unvaccinated nga maka sakay sa PUJ

Gina respeto sang katapo sang United Negros Drivers and Operator Center ukon UNDOC ang mga pagsulundan sang pila ka mga local government unit angut sa mga pagpatuman sang restrictions sa mga wala pa nabakunahan sang Covid-19 vaccine.

Pati na ang pag require sa mga drayber sang pampubliko nga salakyan nga magpabakuna para mapangapinan sila sa virus.

Pero suno kay Diego Malacad, secretary-general sang UNDOC, kun ipatuman ang “no vaccine,no ride” parehos na lang sa pila ka mga lugar sa Metro Manila, indi sila magduha duha nga mag untat byahe.

Ginsiling ni Malacad nga apektado na ang biyahe sang public transport tuga sang ginhugtan nga travel restrictions, sa pagsaka sang presyo sang produkto petrolyo dugangan pa sang halit sang Bagyo Odette sa probinsya.

Gani para sa ila indi na matarung ang polisiya nga magahatag sang dugang pa nga kabudlayan sa ila kag sa mga pasahero.

Leave a Reply

Your email address will not be published. Required fields are marked *

Secured By miniOrangeSecured By miniOrange