Suno sa kay Dr. Beverly Ho sang Department of Health, ang 31 anyos ang nag abot sa Pilipinas sang July 19 gikan sa abroad. Ang amo nga persona ang may history sang pag biyahe sa mga pungsod nga may mga kumpirmado nga kaso sang monkepox.
Dugang pa ni Ho, ang amo nga persona ang gintest kag gin kumpirma nga positibo sa Covid 19 pinaagi sa reverse transcription–polymerase chain reaction (RT-PCR) sa DOH Research Institute For Tropical Medicine sang July 28.
Na discharge na ang pasyente kag nagapaidalom sa strict isolation kag monitoring sa iya nga balay. Suno pa kay ho, may napulo ka mga close contacts nga na record, kag sa pulo, tatlo ang naga istar sa isa lang ka balay.
Tanan sila ang gin abisuhan nga mag quarantine kag estrikto nga gina monitor sang DOH.
Kalabanan sa mga kaso sang monkeypox sa iban nga mga pungsod nakuha pinaagi sa sexual transmission.
Ang Philippine Society for Microbiology and Infectious Diseases ang nagpagwa naman sang paandam para maka likaw sa monkeypox. Pila diri amo ang likawan anay ang contact sa wild animals ilabi na ang maygina batyag nga balatian ukon napatay.
Maghugas sang kamot pirme. Indi mag share sang bayo, habol, bedsheet kag ponda sa mga persona nga gina masakit.
Siguraduhon nga naluto sang maayo ang ginakaon nga meat products.
Ang moneypox indi Covid-19 pero mas maayo nga sundon sa gihapon ang minimum health standards, pag gamit sang mask kag physical distancing para ma proteksyonan ang kaugalingon.