Isa ka egg-laying backyard farm sa Barangay Cagay sa Roxas City na detect ang una nga kaso sang avian influenza ukon bird flu sa Western Visayas.
Pinaagi sa laboratory result nga gin issue sang Bureau of Animal Industry Veterinary Laboratory Division,natukiban nga ang poultry kag orpharyngeal swab sample sa barangay cagay ang positibo sa
Influenza virus type a (iva) subtype h5ni.
Sa kabilogan may 217 ka mga ready-to-lay chicken, 8 ka bi-be kag 7 ka mga itlog sa infected nga farm ang ginpang lubong.
Suno sa Department of Agriculture region 6, ang source sang infection ang gikan sa ready to lay nga mga pispis gikan sa Luzon.
Bangud sang insidente, nagpagwa sang executive order ang active governor sang Capiz nga si Atty. Dennis Ventilacion nga temporaryo nga naga ban sang entry sang poultry products sa probinysa.
Ang Western Visayas ang sa karon naka high alert kasunod sang pagka detect sang first case sang bird flu sa rehiyon.
May mga areas sa rehiyon nga identified nga critical kag under close monitoring sang DA Region 6 kag ini amo ang Dumangas, Ajuy, Concepcion And Sara In Iloilo, Brgy. Bugnay, Jordan, Guimaras, Sibalom, Antique, Sipalay City, Negros Occidental kag iban pa nga areas sa Capiz kag Aklan.
Suno naman sa DRRMO head sang Sipalay nga si Dionilo Bogtae, wala pa sila maka baton sang opisyal nga memo gikan sa da pero kun may area gid man sa sipalay nga gina agyan sang mga migratory birds nga amo ang masami carrier sang bird flu.