Una nga batch sang mga migrant workers nga maga trabaho sa mga kampo sang tubo sa Negros Occidental ang nag abot na.
33 ka mga tapasero gikan sa Antique ang nag abot Biyernes sang aga. Suno kay Provincial Administrator Rayfrando Diaz, sa pwerto gin swab ang mga tapasero.
Suno kay Negros Occidental Governor Eugenio Jose Lacson, ang importante nga gikan sa pwerto sila ang direkta nga madala sa hacienda kun diin sila maga trabaho kag magahulat sang resulta sang ila nga swab test.
Base sa protocol, may 4,000 ka mga tapasero gikan sa luwas ang gina paabot sang probinsya karon nga nagsugod na ang milling season.
May kakulang sa mga naga trabaho sa kampo sa Negros Occidental, rason nga gikan pa sa luwas ang mga naga trabaho sa mga kampo sang tubo.