Tubtob subong, wala sa gihapon sang pamilya nga nag-identify kag nag-claim sa bangkay nga ulihi nasapwan sa Hacienda Mapa, Barangay Crossing Magallon sa banwa sang Moises Padilla.
Suno sa Moises Padilla Municipal Disaster Risk Reduction and Management Office, isa ka babaye kag may edad na ang bangkay apang may kabudlayan sila sa pag laragway bangud nagaka-agnas na ini.
Dako ang pagpati sang otoridad nga ang bangkay, isa man sa mga biktima ni Bagyo Tino sang bulan sang Nobyembre.
Gin-retrieve ang bangkay sang katapo sang Moises Padilla MDRRMO kag Philippine Coast Guard.
Sa karon, nalubong ang bangkay sa patyo sang banwa.*