Kaso sang typhoid fever sa probinsya ang nag saka man.
Nadugangan man sang isa ka bag-o nga kaso ang typhoid related death.
Sa report sang Provincial Health Office, as of March 15, may yara sang 344 cases sang typhoid fever ang na-record.
Kun ipaanggid sa kasubong nga tion sang 2024, nag saka ini sa 91.11 percent.
Ang siudad sang Kabankalan ang may pinaka madamo nga typhoid fever cases – 78 cases.
Humalin Enero tubtob Marso 15, tatlo na ang na report typhoid related deaths ilakip na ang bag-o nga gin-report.
11 to 20 years old ang age group nga may pinaka madamo nga apektado.
Suno kay Negros Occidental Governor Eugenio Jose Lacson, tubig ang gina lantaw ginhalinan sang sini nga mga kaso.
Padayon ang abiso sa publiko labi na sa mga apektado nga lugar nga ipabukalan ang tubig nga gina inom agudto malikawan ang amo nga masakit.
Ang typhoid ang naga gikan sa contaminated nga pagkaon ukon tubig.