Tutukan sang administrasyon ni Cadiz City Mayor Salvador Escalante, Jr. ang pagpasanyog sang local revenues karon nga 220 milyones pesos ang gina paabot magabuhin sa siudad tuga sang reduction sa National Tax Allotment.
Suno kay Escalante, mga 111 million pesos ang magabuhin sa 20 percent Development Fund, kag pila sa mga development projects ang ma apektuhan.
Suno kay Escalante kinahanglan nga malampusan nila ini, rason nga tutukan ang pagpaayo sang local revenues kasubong sa mga solar farms kag mga bag-o nga negosyo.
May positive growth rate bahin diri suno sa iya. Sa speech sang alkalde sa iya oath taking ceremony sini nga aga sa Cadiz Arena, isa ka panghimanwa nga consistent ang iya nga ginsaad sa mga pumuluyo sa iya ika duha nga termino.
Ang academe sa tunga sang pagpanghangkat sang pandemya ang padayon nga magabaton sang suporta, drug free city ang pagpanghangkat niya sa PNP. Sa mga kaupod sa gobyerno, pagpadanyog sang dekalidad nga serbisyo ang iya challenge sa ila kag tikang naman para sa e-governance.
Si 2nd District Rep Alfredo Maranon, III ang nangin inducting officer sang mga opisyales sang Cadiz kag ini ang kadungang sa 55th Charter sang siudad.