Pasado las sais kahapon sang ginlubong sang magkahigugma nga sanday Cristel Haro, 22 anyos kag Caesar Valdevieso, 23 anyos ang bag-o lang gid nabun-ag nga lapsag. Pasado las diyes nabatian sang sepulurero nga may naga hibi nga lapsag sang ginbalikan ang lugar nga bag-o lang ginlubngan didto nadiskubrehan nga buhi ang ginlubong nga lapsag.
Suno sa hepe sang Pulupandan PNP nga si Police Captain Ryan Villasario, sang gin usisa ang magkahagugma, nadiskubrehan nga ila lang gali gin tago-tago gikan sa ginikanan sang babaye nga liwat na naman siya nga nagbusong. Indi man nila masabat kun ano ang nagsulod sa ila pensar kag ila ginpalubong ang ila bata.
Ang gin hambal sang lalaki sa sepultorero, fetus nga naputos sa tela kag nasulod sa karton ang ila ilubong amo kun ngaa napasugtan sila nga maka lubong.
Kaina mga 1:30 sang kaagahon napatay ang lapsag.
Gina kuhaan pa sang opisyal nga pahayag ang mga ginikanan kag natalana sila pasakaan sang kaso nga infanticide.