Nangin topnotcher sa natapos nga Physician Licensure Examination ang tumandok sang La Carlota City nga si Maria Inez Beendicto.
Si Benedicto nga valedectorian sang West Visayas State University ang nangin top 1 sa board exam sa score nga 87.83%. Iya kaupod sa top 1 spot si Jude Philip Cebrecus sang Cebu Institute of Medicine.
Si Benedicto ang nangin top 7 man sa Medical Technology Board Exam sang 2017. Siya ang med tech graduate sang University of Negros Occidental Recoletos.
1,084 ang nakapasar sa September Physician Licensure Exam gikan sa 1,546 takers.
Ini ang ika duha na nga sunod nga tuig nga naka sulod ang Negrense sa top sang PLE matapos mag top 2 man sang nagligad nga tuig sa board exam ang Bacolodnon nga si Patrick Mabugat.