Sa banwa sang San Enrique maga rematch naman si incumbent mayor Jilson Tubillara kag anay mayor Napoleon Delfinado.
Sa tinalikdan nga 2022 elections nagsambuwa na si Tubillara kag Delfinado kun sa diin nagdaog sa napulo ka boto si Tubillara kontra kay Delfinado.
Sa banwa sang EB Magalona, mag-amay nga Malacon ang nag-file sang ila nga COC.
Nag file sang COC para sa pagka-alkalde si Matthew Malacon kag nag bise alkalde naman si Mayor Marvin Malacon nga yara na sa iya nga third term.
Sang Lunes nag file man sang iya nga COC si Councilor Mayette Javellana-Yao sa pag ka alkalde sang Bago sa idalom sang Partido Federal ng Pilipinas.
Si anay Councilor Pedic Matti naman ang iya nga vice mayor.
Sa pihak nga bahin, nag-file man sang COC sa pag ka board member sa fifth district si Councilor Hinigaran Hadji Trojillo sa idalom sang Naciolanista Party.
Nag file man sa pag ka board member si Kareem Matthew Feria nga anay konsehal sang La Castellana.
Nag-file man sa pag ka board member sa 5th District si Patrick Miguel PM Montilla nga sadto anay konsehal man.
Si Himamaylan Councilor Aly Tongson, Jr., ang nag-file man sang iya nga COC sa pag ka board member sa 5th District.
Ginsiling ni Tongson nga siya ang nag-file man sang iya nga COC bilang konsehal sang Himamaylan Martes sang udto.
Pero iya tigayon na withdraw ini antes pa man siya nag file sang COC sa Provincial COMELEC.
Paathag niya nagkonsulta anay siya sa pamilya, rason nga tigayon siya naka desisyon nga mag papili bilang katapo sang board imbes nga mag pa re-elect.
Sa third District, isa ka naga negosyo sang kutsinta ang nag-file man sang COC sa pagka board member nga ginkilala kay Junee Occida.