Pagnubo sa water level sa Bago River Irrigation System ang namutikan. Scheduling para sa patubig sang mga talamnan ang gina patuman.
Suno kay Pedro Limpangog, ang pamuno sang Federation of Irrigators Association of Central Negros- Bago River Irrigation Systen ukon FIACN-BRIS, ginapasiguro nila nga may patubig sa mga humayan sakop sang Bago, Murcia, kag sa North district sang Bago River Irrigation System.
Kun sadto anay naga awas ang tubig gikan sa dam, karon nakit-an nila nga nag nubo gid man ang water level. Sa masobra 4,000 hectares nga humayan sa ila nga area may 170 hectares nga apektado kag ini ang yara na sa punta sang irigasyon ka mga nataasan nga mga lugar. Pero naghatag man sang fuel subsidy ang LGU kag bisan pa NIA para sa pumps sa patubig para mabuligan ang amo nga mga area suno kay Limpangog.