Napulo ka mga persona, lakip na ang driver kag pito ka mga Panaad dancers sang Hinoba-an ang sakay sang canter truck sang ini ang natumba sa Barangay Talaban sa Himamaylan City, pasado las 5 kaina sang kaagahon.
Ang mga dancers amo ang nag-perform kagab-i sa “Best of Festival Dances” nga ginhiwat sa Panaad Stadium sa Bacolod City.
Ginsiling ni Hinoba-an Mayor Daph Reliquias, luwas na sa katalagman ang mga sakay, nga nakaangkon sang minor injuries. Sila ang gindala sa Valeriano Gatuslao Hospital sa Himamaylan kag tanan ang outpatients.
Suno sa driver, na-alang-alang siya sa pag-overtake bangud gulpi lang nag-preno ang salakyan sa iya atubang.
Nagliso ang canter sa pihak nga lane, nangalihid sa railings kag didto na nag-overshoot kag natumba sa tuo nga side.
Ginabulubanta mga las kwatro sang kaagahon naghalin sa Bacolod ang mga dancers sakay sang canter nga ginapanag-iyahan sang Brgy. Pook kag naga-serbe nga multipurpose truck para sa mga pasahero.
“Na-overshoot ang salakyan so nag takilid gid sa. As to the dancers, nagapasalamat gid ko kay safe lang sila tanan kag mga minor injuries lang gid. May ara to nalipungan, ginapa-monitor ko pa kag napakuhaan CT scan para mabal-an. Pero awake sila, okay na sila subong”, suno kay Reliquias.*
[sibwp_form id=1]