Patay ang duha ka persona nga sakay sa motor matapos mabungguan sang Lunes sang L300 nga gin arado sang truck sa highway sang Barangay Gargato sa banwa sang Hinigaran.
Gin kilala ang mga napatay nga sanday Argie Capero kag Carla Magbanua.
Sa imbestigasyon sang PNP, nadulaan sang preno ang truck nga kargado sang construction supplies gani ini ang nag rekta sa iya gina sundan nga L300.
Ang L300 naman amo ang naka bunggo sa iya gina sundan nga motor nga gina sakyan sang mga biktima.
Dead on arrival sa ospital sanday Capero kag Magbanua. Magluwas sa motor, nabungguan man sang L300 ang isa ka Hilux nga naga parking sa kilid sang dalan.
Gin detain sa Hinigaran PNP ang driver sang truck kag gina hulat pa sang PNP kun mapasaka sang kaso ang pamilya sang mga napatay.