Isa ka truck ang nahulog sa pil-as sa National Road, Purok Leonor, Brgy. Fabrica sa Sagay City sang Lunes.
Napatay ang pahinante nga si Jhon Vincent Montemor, samtang ang driver ginkilala sa kay Jerrylben Sasaban ang nakaluwas. Mga taga Cebu sila.
Suno kay Police Lieutenant Colonel Alvimar Flores ang hepe sang Sagay City PNP, gikan sa Cebu ang truck kag padulong sa Bacolod sang hinali na lang ini nha nag-atras bangud nga taklaron ang dalan kag mabug-at ang karga sini.
Natumba ang truck kag nahulog sa banglid nga may kataason nga 20 ka tapak apang nakalumpat ang driver samtang ang pahinante ang nabilin sa sulod.
Suno sa PNP nadugayan pa antes nakuha si Montemor kag gilayon man ginhingagaw dala sa ospital.
Apang sang kahapon ginbawian sang kabuhi si Montemor.