Ginbayaan sang driver ang iya ginamaneho nga truck matapos nga ginlagas sang katapo ang Highway Patrol Group sa boundary sang Bacolod kag Talisay kaina sang aga.
Suno sa kay Jose Antonio Robello ang deputy chief sang Bacolod Traffic and Transport Management Department, nagpangayo ang HPG sang bulig nila para sa lakat sang trapiko.
Dugang pa ni Robello, gin usisa sang HPG ang mga dokumento sang truck apang may mga kulang ini gani nagpalagyo ang driver.
Gikan ini sa Circumferential Road kag ginlagas sang HPG pero naglumpat ang driver gikan sa truck sa boundary sang Bacolod kag Talisay.
Padayon pa sa karon gina-imbestigahan kun sin-o ang tag-iya sang truck kag kun ano ang unod sang container van.