Mabatian sa ini nga closed-circuit television camera footage ang pag-arangka sang pick up sa tricycle, pati na sa mga naka-park nga motor kag tiyangge sa Purok San Jose 1, New Economic Highway sa Barangay Sum-ag, Bacolod City, mga las 4:30 sang kaagahon sang Domingo, Oktubre 11.
Nagwa sa imbestigasyon nga natulogan ang 18-anyos nga driver sang Toyota Hilux pickup nga may duha pa ka menor de edad nga pasahero.
Bangud sang impact, nasamaran ang babaye nga driver sang pick up, ang duha niya ka mga pasahero kag ang 49-anyos nga driver sang tricycle. Sila ang gindala sa ospital.
Gin-arangka sang pick up ang likod nga bahin sang ginasundan niya nga tricycle, antes gindusdos ang pila ka mga motor nga naka-park sa higad sang dalan, tubtob nagbunggo sa tiyangge nga ginapanag-iyahan sang 58-anyos nga babaye.
Ginabulobanta 10 ka mga motorsiklo ang gindusdos sang pick up.
[sibwp_form id=1]