Tricycle kag trisikad plano sang siudad nga himuon taga-hakot sang basura sa mga kabarangayan.
May mga purok sa kabarangayan kag bisan pamalay sa mga subdivision nga indi masulod sang mga truck sang private garbage collector sang siudad.
Gani tuyo sang Department of Public Services nga haylohon ang mga naga byahe sang tricycle kag trisikad nga amo ang magakolekta sang basura sa mga areas nga indi malab-ot sang IPM.
Suno kay DPS OIC Ma. Fe Trespuentes, imbes nga magbaton sang suhol sa mga nagapahaboy sang basura ang siudad amo ang magabayad sa ila agud lang mapasiguro nga sa mga garbage bin mahaboy ang mga basura sa baylo nga sa mga bakante nga kampo ukon sa mga basurahan sang iban.
Samtang, ginatinguhaan naman sang siudad nga mahingagaw ang bidding process para sa kontrata sang magaserbe nga garbage collector antes pa man magtakop ang serbisyo sang IPM sa katapusan sang Enero.