Nakaangkon sang igo sang bala sa ulo ang tricycle driver matapos gintiro sang suspek nga nakasakay sa motorsiklo sa Sitio Buri, Barangay 4 sa Kabankalan City, Huwebes sang hapon.
Gindala ang 31-anyos nga biktima sa Holy Mother of Mercy Hospital apang siya ang ginbawian sang kabuhi kaina sang kaagahon.
Yara sa iya tricycle ang biktima sang gintuparan ini sang motor kung diin nagasakay ang gunman kag siya ang gintiro.
Matapos ang insidente, nalagyo ang gunman kag driver sang motor.
Ginsiling ni Lt. Col. Gary Resuma, hepe sang Kabankalan PNP, may yara na sila sang person of interest sa nagtiro sa biktima.
Ginalantaw sang kapulisan nga personal ang motibo sa krimen.*