Patay na sang mag-abot sa ospital ang tricycle driver nga ginkilala kay Junel Pahilanga matapos ini ang gintiro sang lalaki nga naga sakay sa motorsiklo samtang naga-park sa gwa sang mall sa Reclamation Area sa Bacolod mga las otso kagab-i.
Sa inisyal nga impormasyon gikan sa PNP, ang biktima ang residente sang Purok Kabugwason, Barangay Mansilingan, Bacolod City.
Suno sa mga saksi isa lang ka persona nga naga sakay sa motorsiklo ang nagtiro sa biktima nga nag angkon sang igo sang bala sa ulo.
Nakabaton sang impormasyon ang pulis nga may naka engkwentro nga driver man sang tricycle ang biktima lima na ka bulan ang nagligad. Pero ini ang gina usisa pa sang mga pulis.
May empty shell sang .45 caliber pistol nga nakuha sa crime scene.
Padayon pa ang imbestigasyon sang PNP sa pagkilala sa suspek kag sa paghibalo sa motibo sa pagpatay sa biktima.