Patay ang isa ka tricycle driver matapos ini mag bunggo sa naga parking na truck kagab-i sa highway sakop sang Barangay Pilar sa banwa sang Hinigaran.
Ang napatay amo si Jonathan Sa-el.
Suno sa PNP, nag parking lang kadali ang driver ang truck para mag pangihi sang hinali na lang mag diretso bunggo sa likod sang truck ang tricycle.
Madasig ang dalagan sang tricycle suno sa pulis gani nag rekta ini bunggo. Wala man sang early warning device ang truck kag madulom ang amo nga bahin sang dalan.
Temporaryo man nga gindetain sa Hinigaran PNP ang driver sang truck.