Patay si si Roque Pallalos isa ka tricycle driver matapos nga gintiro sa national highway sang Brgy. Looc sa Sibulan, Negros Oriental mga pasado las sais kahapon sang aga.
Sa video makita pa ang anak sang biktima nga naga pudag-pudag sang makumpirma nga iya amay ang ginpatay. Residente sang Brgy. Basiao banwa sang San Jose ang biktima.
Sa inisyal nga imbestigasyon sang kapulisan, magadul-ong kuntani ang biktima sa Dumaguete City pero pag abot sa Sibulan, gintiro siya sang wala makilal-an nga suspetsado.
Wala naman gintandog sang suspek ang menor de edad. Gina usisa pa karon sang PNP kun ano ang motibo sa krimen kag kun sin-o ang posible nga suspek sa pagpatay sa biktima.