Wala na makaluwas ang tricyle driver nga si Rodrigo Magbanua kag pilason naman ang apat sini ka pasahero matapos mag bunggo sang Lunes ang tricycle nga iya gina maneho sa truck sa highway sa Barangay Tinampaan sa Cadiz City.
Sa imbestigasyon sang Cadiz PNP, maga overtake kuntani ang tricycle sa ginasundan nga multi-cab apang nasangit ini sa likod mismo sang multi cab, gani nadulaan sang kontrol ang driver kag naglab-ot sa pihak nga lane.
Nag head-on collision ang tricycle sa naga sugata nga truck.
Dead on arrival sa ospital si Magbanua.
Padayon naman nga ginabulong sa ospital ang apat ka pilason nga pasahero.