Posible nga isa ka kaso sang mistaken identity ang natabo nga pagpatay sa isa ka tricycle driver sa Brgy. Cabug sa Bacolod. Bata sang biktima ang ginatudlo nga target sang suspek.
Mahimo nga nasal-an lang si Teresito Gepilga, ang tricycle driver nga napatay sa pagpaniro sa Deca Homes Subdivision sa Brgy. Cabug sang nagligad nga semana.
Suno sa kay Police Captain Michael Tuburan ang Station Commander sang Police Station 9, natukiban sa ila nga imbestigasyon nga ang bata sang biktima amo ang may nakaaway.
Nagakuha pa sa karon ang PNP sang dugang nga impormasyon angut sa naka engkwentro sang bata nga amo amo panglawason sa iya nga amay. Ginapadalman pa sang PNP ang ini nga kaso.
Huwebes sang nagligad nga semana naga-park si Gepilga sa kilid sang dalan sang ginpalapitan sang wala makilala nga suspetsado kag gintiro.