Antes pa man napasaka sa Alert Level 2 kag Alert Level 3 ang bulkan Kanlaon, paborito na ini sang pila ka mga trekkers nga sakaon kada Semana Santa.
Magluwas diri may mga persona man nga naga saka sa bulkan kun Semana Santa sa paghimo sang mga ritwal.
Ang iban diri mga manugbulong.
Pero ang Task Force Kanlaon ang nagpahibalo na nga indi anay pwede magsaka ilabi na sa sulod sang 6 kilometer danger zone sang bulkan kay delikado katama.
Kahapon lang sang maka tatlo ka beses nga nag buga sang abo ang bulkan, kag ang isa diri halos duha ka oras.
May 33 man ka mga volcanic earthquakes nga na record sa Kanlaon sang kahapon kag 5 ka volcanic tremors.
Gin abisuhan na sang Task Force ang tanan nga mga Disaster Risk Reduction Management Officers nga mangin alerto sini nga semana santo enkaso may aktibidad liwat sa bulkan nga naga pabilin sa Alert Level 3.
Abril 8 ang pinaka ulihi nga minor explosion sang bulkan.