Mas nangin estrikto ang banwa sang Valencia sa Negros Oriental sa pagpatuman sang ordinansa nga naga regulate sang mga aktibidades sa Mount Talinis.
Ini kasunod sang natabo nga pag-rescue sang nadula nga anum ka foreigners pakadto diri sang nagligad nga semana.
Sa interview sang Philippine News Agency kay Desiderio Tilos Jr., ang Valencia Municipal Tourism Officer, iya ginsiling nga sa idalom sang Ordinance No. 4 series of 2020, gina regulate ang mga aktibidad sa Mount Talinis.
Kun ibase sa initial reports, ang anum ka mga foreigners ang nag supak sang ordinance nga nag resulta sa ila pagtalang.
May una nga duha nga na rescue sang Biyernes kag ang apat naman sang Sabado. Miyerklues sila nag sugod sa pag-trekking.
Suno pa kay Tilos kun i-base sa ordinansa, ang mga hikers, mountain climbers kag iba pa nga mga bisita sa Mount Talinis dapat anay mag rehistro kag mag kuha sang permit.
May entry points kun sa diin dapat ipakita ang certification gikan sa Tourism Office kag dapat man nga magbayad kag magkuha sang local tour guide.
May duha ka entry points, ang sa Barangay Apolong (Limot Takna) kag Barangay Puhagan.
Ang Sitio Lunas sa Barangay Malabo, nga gin agyan sang anum ang wala gina recognize nga entry point sang LGU.
Damlag pa ang isa sa ila ang naga balik-balik na saka sa Talinis kag makapila naman ka beses nga ginsaway.
Sang Lunes nagpangayo sang pasaylo ang duha sa DRRMO sang Valencia.