Publiko liwat nga ginahaylo nga mag-gamit sang face mask sa indoors tungod sang nagasaka nga kaso sang Covid 19.
Ginatun-an man sang Emergency Operations Center ang pagbukas sang temporary treatment and monitoring facility.
Sa record sang EOC nagalab-ot na sa 75 ang Covid-19 cases sa Bacolod humalin sang Abril.
Sa pagsinapol kahapon, gin-recommend ni Dr. Grace Tan, pamuno sang Environmental Sanitation Division sang City Health Office ang liwat nga paghaylo sa publiko, ilabi na ang may co-morbidities nga magsuksok sang face mask sa mga indoor areas.
Suno kay Dr. Maria Laarni Pornan, pamuno sang EOC, ginahanda man karon sang siudad ang liwat nga pagbukas sang mga temporary treatment and monitoring facility karon nga naga amat-amat saka ang Covid cases.
Ginatun-an naman ang pagbalik sang mga contact tracing team agud nga ma-identify kag matagaan sang assistance ilabi na ang mga pasyente nga naga-kinahanglan ma-isolate kag madala sa ospital.
Naga-coordinate naman ang EOC sa mga ospital para sa availability sang Covid-19 en kaso magsaka ang Covid-19 cases.
Padayon man ang pahanumdom sang EOC sa publiko nga magsunod sa minimum health protocol kag magpabakuna kontra sa balatian.