Lakat sang trapiko sa Barangay Sum-ag sa Bacolod City, nagapabilin manageable sa pihak sang ginapatuman nga scheduled bridge closure sang Sum-ag Bridge 1. Sugod las nuebe kaina sang aga sirado na ang Sum-ag Bridge 1.
Gani pila ka mga salakyan nga naga-byahe pa-sur nag detour sa kaiping nga taytay nga ginhimo nga 2-lane. Ang iban sa crossing Abuanan kag bag-ong dalan nag-alagi.
Suno kay Jose Antonio Robello, deputy chief sang Bacolod Traffic Authority Office, nagapabilin nga manageable ang lakat sang trapiko matapos nga nagtalana sila sang napulo ka traffic personnel agud mag-giya sa mga motorista sa mga detour areas.
Nagpadala man sang tanod ang barangay agud magbulig agud mapahagan-hagan ang lakat sang trapiko.
Magalawig ang temporary bridge closure asta sa bwas, Huwebes.