Transport Victory caravan ipatigayon sang katapo sang transport organization sa Bacolod bwas.
Ginkabig sang katapo sang Kabacod Negros Transport Coalition nga isa ka kadalag-an ang pagpa-gwa sang resolution sang Senado nga nagasuporta sa pag-suspend sang ginapatuman nga Public Utility Modernization Program ukon PUMP.
Gani bwas sugod la una sang hapon natalana sila nga magatipon sa atubang sang Pope John Paul II tower para sa patigayunon nga Transport victory caravan.
Ginapaabot ni Lilian Sembrano, presidente sang KNETCO nga suportahan sang kongreso ang Senate Resolution 1096 agud nga ma-review anay para mapaayo ang modernization program sang Department of Transportation paagi sa Land Transportation Franchising and Regulatory Board.
Ginsiling ni Councilor Al Victor Espino, pamuno sang Committee on Transportation and Traffic sang konseho, pagatun-an niya ang amo nga resolution pero sa karon magapabilin ang padayon nga pagpatuman sang PUMP kag ang pagbyahe sang mga modernized jeepney sa siudad.