Mga transport groups sa siudad sang Bacolod ang nagapanawagan sa pagpaiway sang pagpatuman sang panibag-o nga Private Motor Vehicle Inspection Standards sang Land Transportation Office.
Nagpadala sang sulat sa Sangguniang Panglungsod sang Bacolod ang tatlo ka mga transport groups para maghinyo sang endorsement sang ila panawagan sa LTO.
Ginrefer na ang ila sulat sa talatapan ni Councilor Dindo Ramos nga chairman sang committee on transportation sang konseho.
Ginareklamo sang mga transport operators ang bag-o nga pagsulundan sang Private Motor Vehicle Inspection kung sa diin may mga private centers nga gin accredit ang LTO para maghimo sini.
Kinahanglan nga magpaidalum sa ini nga inspection bilang requirement sa pagpa renew sang rehistro sang salakyan.
Suno sa presidente sang Federation of Bacolod City Drivers Association nga si Elizabeth Katalbas, mabudlay para sa mga operators bangud magluwas sa mahal nga balayran, madamo nga mga depasahero nga salakyan ang tuman na ka daan kag mahimo indi kapasar sa inspection.