Transport group indi na mag untat byahe sa Huwebes kag Biyernes sa Bacolod.
Sa baylo nga mag upod sa 2-day nationwide transport strike sa Huwebes kag Biyernes, magapadulong sa opisina sang Land Transportation Franchising and Regulatory Board Regional Office sa Iloilo City ang tiglawas sang katapo sang Bacolod Alliance of Commuters, Operators and Drivers ukon Bacod agud didto magpatigayon sang rally.
Suno kay Rudy Catedral, presidente sang Bacod, nakasugtan man nila upod sa transport group nga Manibela nga sa Biyernes magapatuman sang rally sa atubang sang daan nga city hall.
Gindugang man ni Catedral nga ang desisyon sang transport group ang wala sang kaangtanan sa nagaluntad nga konplikto sa tunga sang ila mga lideres.
Mayorya naman sang transport organization nalakip diri ang Sentrong Samahan ng mga Tsuper at Operators Negros kag Federation of Bacolod City Drivers Association ang indi mag upod sa panawagan para sa nationwide 2-day transport strike sang grupo nga Piston.
Ginklaro ni Jun Asis, secretary General sang Sstone nga naga suporta sila sa panawagan nga mapaiway ang pag-phase out sang traditional jeepney sa tion nga mag expire na ang gin issue nga extended provisional authority sang LTFRB sa Disyembre 31.
Nagasalig man sila kay Mayor Albee Benitez nga makahimo sang tikang agud makapadayon sila sa pagbyahe sa pihak sang ginapatuman nga jeepney modernization program.