Shadow

Transport group sa Negros Occidental natunga sa panawagan nga himuon P15.00 ang minimum nga plete

Natunga ang panindugan sang mga tiglawas sang nagkalain lain nga transport group sa Negros Occidental angut sa ginaduso nga P15 regular fare sang Western Visayas Transport Cooperative sa Iloilo.

Suno kay Diego Malacad,secretary general sang UNDOC, palareho lang nga apektado ang katapo sang transport group kag mga pasahero sa padayon nga pagsaka sang presyo sang produkto petrolyo.

Gani nadesisyunan nila nga paboran ang temporaryo nga pag suspend sang ginapatuman nga excise tax kag pagpanubo sang ginapatung nga value added tax sa produkto petrolyo kaysa ipatuman ang dugang nga saka sa plete.

Ginduso naman ni Junjun Asis nga tiglawas sang Sentrong Samahan Ng Mga Tsuper At Operators Negros ukon SSTONE nga unahon ang panawagan nila sa Land Transportation Franchising Andnregulatory Board para sa extension sa ginapatuman nga provisional authority sa pagbyahe sang mga traditional nga jeep.

Samtang, ginsiling ni Malacad nga subong pa lang may pila na sa ila mga kaupdanan nga drayber kag operator ang nag patuman sang transport holiday.

Gintalakay nila sa transport unity forum ang pagpatigayon sang untat byahe sa Hulyo.

Handa man ang drayber operator nga si Victor Bayun-On nga updan ang pag untat byahe.

Kabahin man sa ginapanawagan sang transport group ang paghatag sang fuel subsidy nga suno sa ila masobra pa lang sa sinko porsyiento sang malapit 8 mil ka mga drayber kag operator ang nakabaton sa probinsya.

Secured By miniOrangeSecured By miniOrange