Aksyon protesta kontra korapsyon ang gin patuman sang Negros United Transport Coalition upod ang Bayan Negros kag mga ka alyado nga organisasyon sini.
Sa replica sang Bacolod Ciy Government Center sa Bacolod Public Plaza nagtipon ang mga tiglawas sang UNDOC-PISTON, KNETCO kag BACOD Manibela.
Panawagan nila nga dapat sukton kag prisohon ang mga korap.
Preparasyon naman ini para sa Domingo nga adalaw nga Trillion Peso March: Mahiya naman kayo! Ikulong ang korap!
Suno kay Noli Rosales ang Sec Gen sang Bayan Negros, ang pagpanghangkat nila karon kay House Speaker Faustino “Bojie” Dy, III amo nga seryosohon ang katungdanan sini bangud sukton siya sang pumuluyo kun indi niya pag ubrahon ang iya trabaho.
Ginsiling naman ni Rodolfo Gardoce Jr ang chairperson sang UNDOC PISTON, nag sukat man isa ka tuig karon nga adlaw ang pag water canon sa ila sang sila ang nag patigayon sang aksyon protesta sagwa sang hotel sa Lacson kun sa diin may isa ka transport summit ang ginapatigayon.
Anum sila ang na aresto sadto kag gin pasakaan sang kaso. Panawagan nila suno sa iya, hustisya bangud wala man sila may nakita nga gin lapas nila.