Transitory housing project ginaduso para sa mga illegal settler families ilabi na sa mga yara sa red zones.
Masami mga illegal settler families nga nagapuyo sa mga ginakabig red zones kag danger zones sa Bacolod ang nagakawad-an sang ilistaran sa nagaluntad nga kalamidad kasubong sang sunog kag baha.
Ang tuyo ni Mayor Albee Benitez nga mapangitaan sila gilayon sang masaylohan agud ini na sila magbalik pa sa nakabig peligroso nga lugar nga ila gin istaran.
Gani ginaduso sang pamunuan sang Bacolod Housing Authority ang construction sang transitory housing projects para sa mga ISFs nga indi pa gilayon makasaylo sa mga relocation site ukon makapangita sang kaugalingon nila nga ilistaran.
Suno kay BHA head Ma. Victoria Parreñas ang transitory houses ang sarang magatukod sa nabakal nga 17 hectare lot property sang siudad sa Barangay Vista Alegre.
Kasubong sang Yuhum Housing Project pwede i-subsidize sang LGU ang balayran sang mga beneficiaries.
Ini samtang ginahanda sila para sa ila mangin permanente nga ilistaran.